Nyårskveld
Aslaug Høydal f.22.12. 1916. i Seljord d.20.07.2007 i Skjåk.
Det bivrar so fint bak ruta ,ein tåreblank nyårskveld
Den seinste dagen i året, hev gøymt seg bak mine fjell
Bak mine fjell.
I stogo so logn ved gruva ,sit huslyden samla til ro
I bringa rår von og venting for det som skal hende no
For det som skal hende no.
Eit vonefullt år er på vegen ,ein ungdom so lett og fri.
Han susar fram gjennom rømdi og svingar med fana si
Og svingar med fana si.
Ein ungdom med fred i hugen ,ein skjøneklår vinterkveld.
Godt nyår til heile verdi ,han helsar frå høge fjell
Helsar frå høge fjell.
Det svarar frå mange munnar eit stort og jublande kor
I natt når nyåret vaknar ,me helsar med fred på jord,
Med fred på jord.